O Congro

Compartir:

Muxía recibiu e recibe a innumerables viaxeiros. Moitos veñen por motivos relixiosos; como os que camiñan ata o santuario de Nosa Señora da Barca; a onde tamén chegan os peregrinos que completan o Camiño Xacobeo cara ao océano Atlántico.

Tamén ata aquí chegaban os bilbilitanos dende a localidade aragonesa de Calatayud. No Medievo traían cordas para os barcos de Muxía e levaban de vuelta, como pago en especie, pezas de congro dos secadoiros da ribeira que transformaron nunha delicatessen para o padal que se segue consumindo hoxe en día. En Muxía consérvanse os dous únicos secadoiros de congro de toda a Península onde o proceso de curación e secado do pescado é totalmente artesanal.

A sinxela receta de garavanzos á bilbitaína, na que outro ingrediente principal é o congro seco de Muxía, forma parte da cultura culinaria desta zona de Zaragoza e doutras áreas de interior como Castela, Soria, A Rioxa, outros pobos de Aragón e Reus, en Cataluña. Cómese, sobre todo, en Semana Santa e Nadal.

Tamén na Semana Santa de Muxía organízase unha festa do congro na que os restaurantes locais preparan diferentes especialidades que teñen como base este pescado.

Na Casa do Peixe o congro constitúe a nosa gran especialidade, que se prepara de forma artesanal no noso secadoiro familiar. Ademais, dispoñemos dunha exposición de congro seco en vitrina e as nosas xornadas dedicadas a este produto.


Ir a menú
Xunta de Galicia. Consellería do Medio Rural e do Mar.
Gobierno de España. Ministerio de Agricultura, Alimentación y Medio Ambiente
Unión Europea. Fondo Europeo de Pesca.
Grupo de Acción Costeira Zona 3 Costa da Morte.